বকোঃ ইলোৰা বিজ্ঞান মঞ্চ অসমৰ কামৰূপ জিলা সমিতিৰ নীতি নিৰ্দেশনা অনুসাৰে বিজ্ঞান মনস্কতাৰ জৰিয়তে সুষ্ঠ সমাজ গঢ়াৰ প্ৰচেষ্টা অব্যাহত ৰাখিছে। ইয়াৰ লক্ষ্য আৰু উদ্দেশ্যৰ ওপৰত আলোকপাত কৰি ব্যৱসায় প্ৰতিষ্ঠান, বজাৰ ঘাট আৰু পূজাৰ সময়ত সু খাদ্য মিঠাইত সস্তীয়া অথবা অস্বাস্থ্যকৰ ৰঙৰ ব্যৱহাৰ বন্ধ কৰাৰ আহ্বান জনায়। উল্লেখ্য যে আজি ইলোৰা বিজ্ঞান মঞ্চৰ তৰফৰ পৰা বকো বজাৰৰ মিঠাই বিক্ৰী কৰা ব্যৱসায়িক প্ৰতিষ্ঠান আৰু সমাগম দূৰ্গা পূজা উদযাপন সমিতিক সস্তীয়া তথা অস্বাস্থ্যকৰ ৰঙৰ ব্যৱহাৰ বন্ধ কৰাৰ আহ্বান জনায় পূজা সমিতিৰ সভাপতি আৰু সম্পাদকৰ হাতত আবেদন প্ৰদান কৰে। ইলোৰা বিজ্ঞান মঞ্চ বকো শাখাৰ তৰফৰ পৰা সভাপতি গৌৰাংগ ঠাকুৰীয়া আৰু সাধাৰণ সম্পাদক অপুৰ্ব কুমাৰ ৰয়ৰ তৎপৰতাত বকো অঞ্চলৰ বহু সংখ্যক দূৰ্গা পূজা উদযাপন সমিতিক আবেদন প্ৰদান কৰা হয়।
