ৰঙিয়াঃ হৰদত্ত-বীৰদত্ত ক্ৰীড়া সংঘৰ উদ্যোগত ৰঙিয়া উচ্চতৰ মাধ্যমিক বিদ্যালয় খেলপথাৰত চলি থকা ষষ্ঠ বাৰ্ষিক চি এম চেম্পিয়নশ্বিপ ট্ৰফী আমন্ত্ৰণমূলক প্ৰাইজমানি ফুটবল প্ৰতিযোগিতাৰ আজি অনুষ্ঠিত হোৱা গোৰেশ্বৰ আঞ্চলিক ট্ৰাইবেল ক্ৰীড়া সংঘ,গাটচা আৰু ওডালগুৰি অংখ্ৰামা ফুটবল ক্লাবৰ মাজৰ তীব্ৰ উত্তেজনাপূৰ্ণ খেলখনত নুন্যতম গ’লত অমীমাংসিত হয়। অৱশেষত টাইব্ৰেকাৰ পদ্ধতিত ৪ —২ গ’লত ওডালগুৰিক পৰাজিত কৰি গাটচা ছেমিফাইনেলত প্ৰৱেশ কৰে৷ আজিৰ খেলখনৰ আৰম্ভণিতে ৰঙিয়া ৰাজহ চক্ৰৰ চক্ৰ বিষয়া ভাস্কৰজ্যোতি কলিতাই দুয়োটা দলৰ খেলুৱৈৰ সৈতে চিনাকি হৈ উদ্বোধন কৰে। খেলখন পৰিচালনা কৰে ৰেফাৰী দুলু তালুকদাৰ, পহৰেদ আলী আহমেদ, ধ্ৰুৱজ্যোতি কলিতা আৰু মনোৰঞ্জন মহন্তই। কাইলৈৰ খেলত মাছা আৰু সোনাপুৰ কেএমএছয়ে তীব্ৰ প্ৰতিদ্বন্দিতা আগবঢ়াব।
