ৰঙিয়াঃ ৰঙিয়াত ডিভাইন যোগ আৰু থেৰাপি চেন্টাৰৰ উদ্যোগত আজি এক বিনামূলীয়া যোগ চিকিৎসা শিবিৰ অনুষ্ঠিত হয়। ৰঙিয়া মহকুমা অসামৰিক চিকিৎসালয়ত অনুষ্ঠিত হোৱা এই যোগ চিকিৎসা আৰু স্বাস্থ্য শিবিৰটো মুকলি কৰে হস্পিতালখনৰ এছ ডি এম পদ্মেশ্বৰ কলিতাই। ইফালে মুকলি কৰি এছ ডি এম গৰাকীয়ে যোগৰ উপকাৰিতাৰ শৰীৰৰ ৰোগৰ উপশম আৰু যোগ সাধনাত শাৰীৰিক, মানসিক প্ৰভাৱৰ ওপৰত বহুমূলীয়া বক্তব্য প্ৰদান কৰে৷ উল্লেখ্য যে এই শিবিৰটোত যোগ চিকিৎসা প্ৰদান কৰে ডিভাইন যোগ আৰু থেৰাপি চেন্টাৰৰ প্ৰতিষ্ঠাপক তথা যোগ প্ৰশিক্ষক হিমাজ্যোতি তালুকদাৰে৷ আনহাতে মহকুমা অসামৰিক চিকিৎসালয়ত অনুষ্ঠিত এই শিবিৰত প্ৰায় ১০০ৰো অধিক লোকে অংশগ্ৰহণ কৰে৷
