বকোঃ কামৰূপ জিলাৰ বকো ক্ৰীড়া সন্থাৰ উদ্যোগত প্ৰয়াত মুক্তিযোদ্ধা ভূৱন চন্দ্ৰ দাস আৰু প্ৰয়াত সমাজ সেৱিকা প্ৰফুল্ল বালা দাস সোঁৱৰণী ফুটবলত আজি বৰীপাৰা দলে ফাইনেলত প্ৰৱেশ কৰিছে। আজি অনুষ্ঠিত হয় দ্বিতীয় খন ছেমি ফাইনেল খেল। খেলত গোৱৰ্ধন ফুটবল দলৰ লগত খেলি ৬ – ০ গলত জয়ী হয় বৰীপাৰা দলে। ইফালে বকো ক্ৰীড়া সন্থাৰ সভাপতি অৰ্জুন চেত্ৰী আৰু সম্পাদক সুমিত ৰাভাই জনোৱা মতে অহা ১৪ চেপ্তেম্বৰত চূড়ান্ত খেল খন অনুষ্ঠিত হ’ব বৰীপাৰা ফুটবল দ’ল বনাম ভেহুৱা ফুটবল দলৰ মাজত।
