বকোঃ কামৰূপ জিলাৰ বকো ক্ৰীড়া সন্থাৰ উদ্যোগত প্ৰতি বছৰৰ দৰে এই বৰ্ষও বাৰ্ষিক ফুটবল খেল খন চলি আছে। ক্ৰীড়া সন্থাৰ সভাপতি অৰ্জুন চেত্ৰী আৰু সম্পাদক সুমিত ৰাভাই জনোৱা মতে এই বেলি ৩০ সংখ্যক বৰ্ষত বকোৰ প্ৰয়াত মুক্তিযোদ্ধা ভূৱন চন্দ্ৰ দাস আৰু প্ৰয়াত সমাজ সেৱিকা প্ৰফুল্ল বালা দাস সোঁৱৰণী আন্ত:ক্লাৱ ফুটবল প্ৰতিযোগিতা খন আয়োজন কৰা হৈছে। আজি চতুৰ্থ তথা শেষৰ খন প্ৰি কোৱাটাৰ খেলত বকো কোচিং এ ফুটবল দ’ল বনাম গোৱৰ্ধন ফুটবল দলৰ মাজত অনুষ্ঠিত হয়। খেলত গোৱৰ্ধন দলে বকো কোচিং এ দলক ২-১ গলত পৰাস্ত কৰে।
