সমাজকৰ্মী স্বৰ্গীয় বেহীৰাম কাকতি আৰু স্বৰ্গীয় ৰজনী কান্ত গোস্বামী সোঁৱৰণী প্ৰাইজমানি ফুটবল প্ৰতিযোগিতা
ৰঙিয়াঃ পাতিদৰং স্পোৰ্টচ ক্লাৱৰ উদ্যোগত পাতিদৰং বিদ্যাপীঠ উচ্চতৰ মাধ্যমিক বিদ্যালয় খেলপথাৰত চলি থকা সমাজকৰ্মী স্বৰ্গীয় বেহীৰাম কাকতি আৰু স্বৰ্গীয় ৰজনী কান্ত গোস্বামী সোঁৱৰণী প্ৰাইজমানি ফুটবল প্ৰতিযোগিতাৰ আজিৰ দ্বিতীয় ছেমি ফাইনেল খেলখন এক-এক গ’লত সামৰণি পৰাত ট্ৰাইব্ৰেকাৰ পদ্ধতিত ৫ – ৪ গ’লত ভেহবাৰী ইয়ং গ্ৰুপে তামুলপুৰৰ বৰঘুলী এফ চিক পৰাজিত কৰি ফাইনেলত প্ৰৱেশ কৰে। আজিৰ খেলখন পৰিচালনা কৰে আনচাৰ উদ্দিন আহমেদ, নিপন বড়ো, পহৰেদ আলী আহমেদ আৰু সতীশ কুমাৰ ডেকাই। কাইলৈৰ ফাইনেলত ভেহবাৰী ইয়ং গ্ৰুপ আৰু জাৰকোনা জংগলী ক্লাবে তীব্ৰ প্ৰতিদ্বন্দিতা আগবঢ়াব৷
