গুৱাহাটীঃ নুনমাটি ছাত্র সন্থাৰ উদ্যোগত শিক্ষক দিৱস পালন কৰা হয়৷ নুনমাটিস্থিত সামূহিক ভৱনত নুনমাটি ছাত্র সন্থাৰ সভাপতি ৰাজু তালুকদাৰৰ সভাপতিত্বত শিক্ষক দিবস উপলক্ষে এখনি মুকলি সভা অনুষ্ঠিত হৈ যায়। সভাত চাৰিমহীয়া শৈক্ষিক পাঠদান কাৰ্যসূচীত অংশ গ্ৰহণ কৰা শিক্ষাগুৰু সকলক বিশেষভাৱে সম্বৰ্ধনা জনোৱা হয়। সভাত উপস্থিত থাকে অভিজ্ঞানম মহাবিদ্যালয়ৰ অধ্যক্ষা ববী পাঠক গোহাঁই, নুনমাটি উচ্চ বিদ্যালয়ৰ প্ৰাক্তন প্ৰধান শিক্ষক নাৰায়ণ শৰ্মা, জ্যেষ্ঠ নাগৰিক সন্থাৰ সভাপতি ৰানা পাটগিৰি, সদৌ গুৱাহাটী ছাত্র সন্থাৰ সাধাৰণ সম্পাদক প্ৰাঞ্জল ডেকা, মূখ্য সাংগঠনিক সম্পাদক সমীৰণ কলিতা, পূব গুৱাহাটী ছাত্র
সন্থাৰ সভাপতি পৰাগ কলিতা, সাধাৰণ সম্পাদক নিপজ্যোতি মেধি। নুনমাটি ছাত্র সন্থাৰ সাধাৰণ সম্পাদক বিকাশ ডেকাই আত ধৰা অনুষ্ঠানত ৰাজ্যিক কৃতি শিক্ষক বঁটা লাভ কৰা শিক্ষয়িত্ৰী ৰাবিয়া বেগমক বিশেষ সম্বৰ্ধনা জ্ঞাপন কৰা হয়। মুকলি সভাত অসম সেনাৰ আহ্বায়ক নয়নজ্যোতি নাথ, জিতুমনি ডেকা, নুনমাটি ছাত্র সন্থাৰ উপদেষ্টা ৰাতুল চন্দ্ৰ ৰয়, জিতু কলিতাকে ধৰি বহু লোক উপস্থিত আছিল।
