সমাজকৰ্মী স্বৰ্গীয় বেহীৰাম কাকতি আৰু স্বৰ্গীয় ৰজনী কান্ত গোস্বামী সোঁৱৰণী প্ৰাইজমানি ফুটবল প্ৰতিযোগিতা
ৰঙিয়াঃ পাতিদৰং স্পোৰ্টচ ক্লাৱৰ উদ্যোগত পাতিদৰং বিদ্যাপীঠ উচ্চতৰ মাধ্যমিক বিদ্যালয় খেলপথাৰত চলি থকা সমাজকৰ্মী স্বৰ্গীয় বেহীৰাম কাকতি আৰু স্বৰ্গীয় ৰজনী কান্ত গোস্বামী সোঁৱৰণী প্ৰাইজমানি ফুটবল প্ৰতিযোগিতাৰ আজিৰ দ্বিতীয়খন কোৱাৰ্টাৰ ফাইনেলত অংশগ্ৰহণ কৰে ভেহবাৰী ইয়ং গ্ৰুপ আৰু পশ্চিম দৰং একাদশ দলটিয়ে। অতি উত্তেজনাপূৰ্ণ খেলখন নিৰ্ধাৰিত সময়ত গ’ল শূণ্যভাৱে সমাপ্ত হয়।অৱশেষত টাইব্ৰেকাৰ পদ্ধতিত ভেহবাৰী ইয়ং গ্ৰুপ দলটিয়ে ৪ – ৩ গ’লত পশ্চিম দৰং একাদশ, দুনীক পৰাজিত কৰি ভেহবাৰী ছেমিফাইনেলত প্ৰৱেশ কৰে। খেলখন পৰিচালনা কৰে ৰেফাৰী পহৰেদ আলী আহমেদ, বাহাৰুল ইছলাম, ৰিজুল হক চৌধুৰী আৰু আইনাল হ’কে। কাইলৈৰ তৃতীয়খন কোৱাৰ্টাৰ ফাইনেলত জাৰকোনা জংগলী ক্লাবে ৰামপুৰ এফ চিৰ বিৰুদ্ধে প্ৰতিদ্বন্দিতা আগবঢ়াব৷
