ধিংঃ নগাঁও জিলাৰ ধিং আৰক্ষী থানাৰ অধিনস্থ আহোম গাঁও আৰক্ষী পহৰা চকীৰ অন্তৰ্গত আজি টুকটুকীত ড্ৰাগছ সহ এজন যুৱকক আৰক্ষীয়ে আটক কৰিবলৈ সক্ষম হয়। জানিব পৰা মতে, আহোম গাঁও আৰক্ষী পহৰা চকীৰ ভাৰপ্ৰাপ্ত বিষয়া ৰণুজ পেগু আৰু বাবুল বৰাৰ নেতৃত্বত এক গোপন সুত্ৰৰ পম খেদি টুকটুকী চেণ্ডিগেটত এক অভিযান চলাই শিলপুখুৰী গাঁৱৰ জহিৰুল ইছলাম নামৰ এজন যুৱকক চাৰিটা চাধা টেমা ভৰ্তি ২৩:৪২ গ্ৰাম নিষিদ্ধ ড্ৰাগছ সহ আটক কৰে। সম্প্ৰতি যুৱক জনক আহোম গাঁও আৰক্ষীয়ে অধিক তথ্যৰ বাবে জেৰা অব্যাহত ৰাখিছে বুলি জানিব পৰা গৈছে। উল্লেখ্য যে দীৰ্ঘদিন ধৰি জহিৰুল ইছলাম নামৰ যুৱকজনে আৰক্ষীৰ চকুত ধূলি দি বৃহত্তৰ টুকটুকী, কটহগুৰী অঞ্চলত ড্ৰাগছৰ ৰমৰমীয়া বেহা চলাই আহিছিল৷
