মিৰ্জাঃ দক্ষিণ কামৰূপৰ বৈদ্যুতিন আৰু ছপা মাধ্যমৰ সাংবাদিক আৰু সংবাদকর্মীসকলৰ উমৈহতীয়া সংগঠন ‘ই. পি. মিডিয়া ফ’ৰাম চাউথ কামৰূপ’ৰ মিৰ্জাস্থিত নিজস্ব ভূমিত ৪ ছেপ্টেম্বৰত দ্বাদশ বার্ষিক প্রতিষ্ঠা দিৱস দিনযোৰা কাৰ্যসূচীৰে অনুষ্ঠিত হ’ব। কাৰ্যসূচী অনুসৰি পুৱা ১০.৩০ বজাত পতাকা উত্তোলন কৰিব ই.পি.মিডিয়া ফ’ৰাম, চাউথ কামৰূপৰ সভাপতি ৰতন কলিতাই। ১০.১৫ বজাত স্মৃতি তৰ্পন কৰিব ফ’ৰামৰ মুখ্য উপদেষ্টা বলেন কলিতা, উপদেষ্টা অনিল কলিতা আৰু কাৰ্যকৰী সভাপতি হিতেন মালীয়ে। ১০.৩০ বজাত বন্তি প্ৰজ্বলন কৰিব ফ’ৰামৰ উপ-সভাপতি মোবাৰক হুছেইন, সম্পাদকদ্বয় নীৰেন চন্দ্ৰ মালী, গিৰীন্দ্ৰ কলিতা আৰু কোষাধ্যক্ষ হিতেশ
কলিতাই। দিনৰ ১২ বজাত ই.পি.মিডিয়াৰ নৱনিৰ্মিত শৌচাগৰ, স্নানাগাৰ আৰু চাৰিসীমাৰ পকীবেৰ শুভ-উদ্বোধন কৰিব পলাশবাৰী সমষ্টিৰ বিধায়ক হেমাংগ ঠাকুৰীয়াই। অনুষ্ঠানত নিমন্ত্ৰিত অতিথি হিচাপে পলাশবাৰী ৰাজহ চক্ৰৰ চক্ৰ বিষয়া হিমাদ্ৰী বৰা, কোচপাৰা গাঁও পঞ্চায়তৰ সভাপতি স্বপ্না দাস, পলাশবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া ৰাজীৱ নাথ উপস্থিত থাকিব।
