বকোঃ কামৰূপ জিলাৰ বকো ক্ৰীড়া সন্থাৰ উদ্যোগত প্ৰতি বছৰৰ দৰে এই বৰ্ষও বাৰ্ষিক ফুটবল খেল খন আৰম্ভ হৈছে। বকো ক্ৰীড়া সন্থাৰ সভাপতি অৰ্জুন চেত্ৰী আৰু সম্পাদক সুমিত ৰাভাই জনোৱা মতে এই বেলি ৩০ সংখ্যক বৰ্ষত বকোৰ প্ৰয়াত মুক্তিযোদ্ধা ভূৱন চন্দ্ৰ দাস আৰু প্ৰয়াত সমাজ সেৱীকা প্ৰফুল্ল বালা দাস সোঁৱৰণী আন্তঃক্লাৱ ফুটবল প্ৰতিযোগিতা খন ক্ৰীড়া সন্থাৰ স্থায়ী খেলপথাৰ কালিয়াবড়ীত আয়োজন কৰা হৈছে। আজি পলাশবাৰী সমষ্টিৰ সাতপখলী ফুটবল দল বনাম কাকাৰাবড়ী ফুটবল দলৰ মাজত খেল অনুষ্ঠিত হয়।খেলত সাতপখলীয়ে কাকাৰাবড়ীক ৩-১ গলত পৰাস্ত কৰে। কাইলৈ চক্ৰপাণি বনাম কৰ্কাপাৰাৰ মাজত খেল অনুষ্ঠিত হ’ব।
