গুৱাহাটীঃ উত্তৰ পূৱৰ বাছযাত্ৰীৰ একমাত্ৰ বাছ আস্হান গুৱাহাটী মহানগৰীৰ আইএছবিটিত আজি মণিপুৰী ছাত্ৰৰ এটা দলে এজন নৈশবাছৰ চালকক দলবদ্ধভাবে আক্ৰমণ কৰা ঘটনাই তীব্র চাঞ্চল্যৰ সৃষ্টি কৰিছে। আইএছবিটিৰ সমীপৰ এখন হোটেলত সতীৰ্থৰ সৈতে আহাৰ গ্ৰহণ কৰি থকাৰ সময়তে নাৰ্জাৰী উপাধিৰ চালকজনৰ সৈতে কোনো কথাক লৈ এজন মণিপুৰী ছাত্ৰই তর্কা- তর্কিত লিপ্ত হয়। ইয়াৰ পিছতে মণিপুৰী ছাত্ৰ জনে সতীর্থক ফোনযোগে এই বিষয়ে অবগত কৰে। পৰৱর্তী সময়ত ৰয়েল গ্লোবেল বিশ্ববিদ্যালয়ত অধ্যয়নৰত একাংশ মণিপুৰী উদণ্ড যুৱক ওলাই আহি চালক নাৰ্জাৰী
আৰু তেওঁৰ সতীর্থক গুৰুলা গুৰুলকৈ প্রহাৰ কৰে। পৰৱৰ্তী সময়ত সকলো বাছচালক একত্ৰিত হৈ বাছ বন্ধ আক্ৰমণকাৰীৰ শাস্তিৰ দাবীত প্ৰতিবাদ সাব্যস্ত কৰে৷ ইফালে ঘটনা সন্দৰ্ভত ভূক্তভোগী নাৰ্জাৰীয়ে গড়চুক থানাত এখন এজাহাৰ দাখিল কৰে। উক্ত এজাহাৰৰ ভিত্তিত গড়চুক আক্ষীরে এটা গোচৰ ৰুজু কৰি কেবাজনো মণিপুৰী যুৱকক আটক কৰি সোধাপোছা অব্যাহত ৰাখিছে।
