ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা স্বৰ্গীয় নিজৌমচা বড়ো সোৱৰণী ‘চুপাৰ ডিভিজন ফুটবল লীগ’ প্ৰতিযোগিতাৰ আজি প্ৰথম ছেমিফাইনেলত ৰঙিয়া এফ চি আৰু কলমনি মিলিজুলি যুৱক সংঘৰ খেলখন নিৰ্ধাৰিত সময়ত অমীমাংসিত হয়। অৱশেষত টাইব্ৰেকাৰ পদ্ধতিত ৪ – ২ গ’লত কলমনি মিলিজুলি যুৱক সংঘই ৰঙিয়া এফ চিক পৰাজিত কৰি ফাইনেলত প্ৰৱেশ কৰে।আজিৰ খেলখন পৰিচালনা কৰে ৰেফাৰী ধ্ৰুৱজ্যোতি কলিতা, বাহাৰুল ইছলাম, ৰিজুল হক চৌধুৰী আৰু পহৰেদ আলী আহমেদে। কাইলৈ চুপাৰ ডিভিজন লীগৰ দ্বিতীয়খন ছেমিফাইনেলত ৰঙিয়া টাউন ক্লাৱে তীব্ৰ প্ৰতিদ্বন্দিতা আগবঢ়াব অলংবাৰ এফ চিৰ বিৰুদ্ধে৷
