ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা স্বৰ্গীয় নিজৌমচা বড়ো সোৱৰণী ‘চুপাৰ ডিভিজন ফুটবল লীগ’ প্ৰতিযোগিতাৰ আজিৰ অন্তিমখন খেলত অংশগ্ৰহণ কৰে ৰঙিয়া টাউন ক্লাৱ আৰু জাৰকোনা জংগলী ক্লাবে।উল্লেখ্য যে লীগ পৰ্য্যায়ত দুয়োটা দলৰ পইন্ট আৰু গ’ল স্কোৰৰ পৰিমাণ সমান আছিল। অৱশেষত অতি উত্তেজনাপূৰ্ণ খেলখন আজিও অমীমাংসিত হৈ থকাত টাইব্ৰেকাৰ পদ্ধতিত ৫ -৪ গ’লত ৰঙিয়া টাউন ক্লাৱে জাৰকোনা জংগলী ক্লাবক পৰাজিত কৰি ছেমিফাইনেলত প্ৰৱেশ কৰে৷ আজিৰ খেলখন পৰিচালনা কৰে ৰেফাৰী নিপন মেধি, জয়ন্ত মাধৱ দাস, নিপন বড়ো আৰু পহৰেদ আলী আহমেদে৷ কাইলৈ চুপাৰ ডিভিজন লীগৰ প্ৰথমখন ছেমিফাইনেলত ৰঙিয়া এফ চিয়ে তীব্ৰ প্ৰতিদ্বন্দিতা আগবঢ়াব কলমনি মিলিজুলি যুৱক সংঘৰ বিৰুদ্ধে৷
