ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা স্বৰ্গীয় নিজৌমচা বড়ো সোৱৰণী ‘চুপাৰ ডিভিজন ফুটবল লীগ’ প্ৰতিযোগিতাৰ আজিৰ খেলত অংশগ্ৰহণ কৰে ঢোলকুছি ট্ৰাইবেল সংঘ আৰু অলংবাৰ এফ চিয়ে। অতি উত্তেজনাপূৰ্ণ খেলখন নিৰ্ধাৰিত সময়লৈকে গ’লশূন্য ভাৱে সামৰণি পৰাত উভয়দলে এক এক পইন্ট লাভ কৰে। আজিৰ খেলখন পৰিচালনা কৰে আনচাৰ উদ্দিন আহমেদ, পহৰেদ আলী আহমেদ, মনোৰঞ্জন মহন্ত আৰু দুৰ্গেশ্বৰ চৌধুৰীয়ে। কাইলৈ চুপাৰ ডিভিজন লীগত কলমনি মিলিজুলি যুৱক সংঘই চেপ্তি আঞ্চলিক ক্ৰীড়া সন্থাৰ বিৰুদ্ধে তীব্ৰ প্ৰতিদ্বন্দিতা আগবঢ়াব৷
