ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা স্বৰ্গীয় নিজুমচা বড়ো সোৱৰণী ‘চুপাৰ ডিভিজন ফুটবল লীগ’ প্ৰতিযোগিতাৰ আজিৰ অতি উত্তেজনাপূৰ্ণ খেলখন অমীমাংসিত হয়। প্ৰথমাৰ্ধত কলমনি জংগলী ক্লাবে ৰঙিয়া টাউন ক্লাৱক গ’ল এটা দিয়ে যদিও দ্বিতীয়াৰ্ধত টাউন ক্লাৱে গ’লটি পৰিশোধ কৰাত খেলখন অমীমাংসিত হৈ পৰে। আজিৰ খেলখন পৰিচালনা কৰে ৰেফাৰী বাহাৰুল ইছলাম, পহৰেদ আলী আহমেদ আৰু ৰিজুল হক চৌধুৰীয়ে৷ কাইলৈ চুপাৰ ডিভিজন লীগৰ তৃতীযখন খেলত ঢোলকুছি ট্ৰাইবেল সংঘই প্ৰতিদ্বন্দিতা আগবঢ়াব কলমনি জেচন ক্লাবৰ বিৰুদ্ধে৷
