ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা ৰঙিয়া ‘বি ডিভিজন ফুটবল লীগ’ প্ৰতিযোগিতাৰ আজিৰ প্ৰথম ছেমিফাইনেলত বাইহাটা চাৰিআলিৰ প্ৰক্ষালন ক্লাৱে কমলপুৰ এফ চিক ৮ – ৩ গ’লত পৰাজিত কৰি ফাইনেলত প্ৰৱেশ কৰে। প্ৰক্ষালন ক্লাৱৰ হৈ ৯ নম্বৰ জাৰ্চি পৰিহিত খেলুৱৈ প্ৰাঞ্জল ডেকা আৰু ৪ নম্বৰ জাৰ্চি পৰিহিত খেলুৱৈ দীপ বড়োয়ে একেৰাহে তিনিটাকৈ গ’ল দি হেট্ৰিক অৰ্জন কৰে। আজিৰ খেলখন পৰিচালনা কৰে ৰেফাৰী আনচাৰ উদ্দিন আহমেদ, জয়ন্ত মাধৱ দাস, ধ্ৰুৱজ্যোতি কলিতা আৰু পহৰেদ আলী আহমেদে৷ কাইলৈৰ দ্বিতীয়খন ছেমি ফাইনেলত কেতেকীবাৰী জ্ঞানদা সংঘই পীতাম্বৰৰ বাৰদৈ ক্লাৱৰ বিৰুদ্ধে প্ৰতিদ্বন্দিতা আগবঢ়াব৷ আনহাতে অহা ৫ আগষ্টত আবেলি ৩:৩০ বজাত অনুষ্ঠিত হব চূড়ান্ত খেলখন।
