ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা ৰঙিয়া ‘বি ডিভিজন ফুটবল লীগ’ প্ৰতিযোগিতাৰ আজিৰ এখন খেলত কমলপুৰ এফ চিয়ে ৰঙিয়া এন এফ ৰেলৱে এফ চিক ৩ – ২ গ’লত পৰাজিত কৰি লীগৰ সম্পূৰ্ণ পইন্ট অৰ্জন কৰে৷ কমলপুৰ এফ চিৰ ৪ নম্বৰ জাৰ্চি পৰিহিত খেলুৱৈ মিন্টু মালীক নীতি বৰ্হিভূত খেল প্ৰদৰ্শন কৰাত ৰেফাৰীয়ে খেলপথাৰৰ পৰা ৰঙা কাৰ্ড দেখুৱাই বাহিৰ কৰি দিয়ে। আজিৰ খেলখন পৰিচালনা কৰে ৰেফাৰী নিপন মেধি, পহৰেদ আলী আহমেদ, দিপক কুমাৰ কলিতা আৰু চহিদুল আলমে৷ কাইলৈ আন এখন লীগ খেলত ৰঙিয়া চানলাইট ক্লাৱে জাপিয়া এফ চিৰ বিৰুদ্ধে প্ৰতিদ্বন্দিতা আগবঢ়াব৷
