ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা ৰঙিয়া ‘বি ডিভিজন ফুটবল লীগ’ প্ৰতিযোগিতাৰ আজিৰ এখন অতি উত্তেজনাপূৰ্ণ লীগখেলত বাইহাটা চাৰিআলিৰ প্ৰক্ষালন ক্লাৱে জাপিয়া এফ চিক ৭—০ গ’লত পৰাজিত কৰি লীগৰ সম্পূৰ্ণ পইন্ট অৰ্জন কৰে। উল্লেখ্য প্ৰক্ষালন ক্লাৱৰ ৭ নং জাৰ্চি পৰিহিত চহিল মৰাকে একেৰাহে তিনিটা গ’ল দি হেট্ৰিক অৰ্জন কৰে। খেলখন পৰিচালনা কৰে ৰেফাৰী জয়ন্ত মাধৱ দাস, ৰিজুল হক চৌধুৰী, পহৰেদ আলী আহমেদ আৰু সতীশ কুমাৰ ডেকা৷ কাইলৈ আন এখন লীগ খেলত ৰঙিয়া এন এফ ৰেলৱে এফ চিয়ে জাপিয়া খৈৰাবাৰী ফুট গধূলী ক্লাৱৰ বিৰুদ্ধে প্ৰতিদ্বন্দিতা আগবঢ়াব৷
