ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা ৰঙিয়া ‘বি ডিভিজন’ ফুটবল লীগ প্ৰতিযোগিতাৰ আজিৰ নকআউট খেলত কেতেকীবাৰী এফ চিয়ে ৰঙিয়া চি এ এফ চিক বৃহৎ ব্যৱধানত পৰাজিত কৰি কেতেকীবাৰী এফ চিয়ে লীগৰ ৰাউণ্ডত প্ৰৱেশ কৰে। আজিৰ খেলখন উদ্বোধন কৰে যোগেশ্বৰ বিদ্যাপীঠ হাইস্কুলৰ অৱসৰপ্ৰাপ্ত সহকাৰী শিক্ষক অৰুন চন্দ্ৰ লহকৰে। খেলখন পৰিচালনা কৰে ৰেফাৰী ৰিজুল হক চৌধুৰী, সতীশ ডেকা, তপন শৰ্মা আৰু অনিল বড়োয়ে। কাইলৈ আন এখন নকআউট খেলত প্ৰতিদ্বন্দিতা আগবঢ়াব জাপিয়া এফ চিয়ে ভয়ৰা শঙ্কৰজ্যোতি ক্লাৱৰ বিৰুদ্ধে।
