বকোঃ দেৱাদিদেৱ মহাদেৱক আৰাধনা কৰিবলৈ প্ৰতি শাওন মাহত ভক্তগণে আয়োজন কৰে বোলবোম জলযাত্ৰা। বিগত বছৰবোৰৰ দৰে এই বৰ্ষও বকো আঞ্চলিক বোলবোম উৎসৱ আয়োজক সমিতিয়ে আয়োজন কৰিছে বোলবোম যাত্ৰাৰ। বকো আঞ্চলিক বোলবোম আয়োজক সমিতিৰ সভাপতি নয়নজ্যোতি পাল আৰু সম্পাদক মিন্টু পালে জনোৱা মতে অহা ৰবিবাৰে অৰ্থাৎ ৯ জুলাইৰ সন্ধিয়াৰ ভাগত আৰম্ভ কৰিব বোলবোম বাওকা জলযাত্ৰা। সেই উপলক্ষে যোৱা নিশা আনুষ্ঠানিক ভাৱে আয়োজন কৰে নীলকণ্ঠ বট গছৰ পূজা। বকোস্থিত বাবা বুঢ়াগোহাঁই মন্দিৰ প্ৰাংগনত থকা বট গছ আৰু বকো বজাৰৰ মাজমজিয়াত থকা বট গছত আয়োজন কৰে নীলকণ্ঠ পূজা। পূজাত মাংগলিক ৰীতি নীতিৰে ভক্তিৰ অঞ্জলী গ্ৰহণ কৰে ভক্তগণে।
