১১ জুলাইৰ পৰা বি ডিভিজন ফুটবল লীগ আৰম্ভ
ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত ৩ জুলাইৰ পৰা অনুষ্ঠিত হবলগীয়া ৰঙিয়া আন্তঃবিদ্যালয় ফুটবল প্ৰতিযোগিতাখনি প্ৰতিকূল বতৰৰ বাবে অনিৰ্দিষ্টকাললৈ স্থগিত ৰখা হৈছে বুলি জানিবলৈ দিয়ে ৰঙিয়া জিলা ক্ৰীড়া সন্থাৰ সাধাৰন সম্পাদক মুকুতানন্দ ভট্টাচার্য্য আৰু ফুটবল সম্পাদক সুৰেন বড়োয়ে৷ আনহাতে অহা ১১ জুলাই মঙ্গলবাৰৰ পৰা ৰঙিয়া মহাবিদ্যালয় খেলপথাৰত আৰম্ভ হব ৰঙিয়া জিলা ক্ৰীড়া সন্থাৰ উদ্যোগত অনুষ্ঠিত হোৱা “বি” ডিভিজন ফুটবল লীগ প্ৰতিযোগিতাখনি। ইতিমধ্যে মহকুমাটোৰ ষোল্লটা ফুটবল ক্লাবে অংশগ্ৰহণ কৰিছে বুলি জানিবলৈ দিয়ে ক্ৰীড়া সন্থাৰ সাধাৰন সম্পাদক মুকুতানন্দ ভট্টাচার্য্যই৷
