মৈৰাবাৰীঃ মৰিগাও জিলাৰ মৈৰাবাৰীৰ হাতীমূৰীয়া গাঁৱত এজন মাছ পালকৰ পুখুৰীৰ দৃশ্য দেখিলে আপোনাৰ চকু সেমেকি যাব। কিয়নো পুখুৰীটোত হঠাৎ ডাঙৰ ডাঙৰ মাছ মৰি ওপঙি উঠিছে৷ পুখুৰীটোৰ গৰাকীজনৰ ভাষ্য অনুসৰি কিছুদিন পূৰ্বে ব্ৰহ্মপুত্ৰ নেচাৰেল ফিড নামৰ এটা কোম্পানীৰ দানা পুখুৰীত প্ৰয়োগ কৰিছিল। আৰু তাৰ পিছত এনেধৰণৰ দৃশ্য। কুইণ্টলে কুইণ্টলে পুখুৰীটোত এনেদৰে মাছ মৰিবলৈ আৰম্ভ কৰা কথাটোৱে বিশেষভাৱে ভবাই তোলাৰ লগতে বিষয়টোক লৈ চিন্তিত হৈ পৰিছে মীন পালকজন। এতিয়া মাছৰ দানাৰ কুপ্ৰভাৱৰ বাবে এনে হোৱা বুলি ধাৰণা পৰা হৈছে যদিও ইয়াৰ বিৰুদ্ধে কি ব্যৱস্থা গ্ৰহণ কৰা হয় সেয়া লক্ষ্যনীয় হব৷
