গুৱাহাটীঃ মহানগৰীৰ নাৰেংগী উচ্চ বিদ্যালয়ৰ পৰা হাইস্কুল শিক্ষান্ত পৰিক্ষাত সুখ্যাতিৰে উত্তীৰ্ণ হোৱা কৃৰ্তী ছাত্ৰ ছাত্ৰীক আজি অভিনন্দন জ্ঞাপন কৰা হয়৷ বিদ্যালয়ৰ প্ৰধান শিক্ষয়িত্ৰী প্ৰতিমা দাস কাৰ্জিয়ে সভাপতিত্ব কৰা অনুষ্ঠানটোত উপস্থিত থাকে গুৱাহাটী কমাৰ্চ কলেজৰ অৱসৰী উপাধ্যক্ষ ড° পূৰ্ণ ভট্টাচাৰ্য, বিদ্যালয় পৰিচালনা সমিতিৰ সভাপতি গোকুল গোস্বামী, উপ সভাপতি প্ৰদীপ কলিতা, বিশিষ্ট সমাজ কৰ্মী যোগেন চন্দ্ৰ কলিতা, ভবেন কুমাৰ, বিদ্যালয়ৰ অৱসৰী শিক্ষয়িত্ৰী ৰুণজুণ শইকীয়া৷ আজিৰ সভাতেই নাৰেংগী উচ্চ বিদ্যালয়ৰ পৰা প্ৰথম বিভাগত উত্তীৰ্ণ ২১গৰাকী কৃৰ্তী
ছাত্ৰ ছাত্ৰীক ফুলাম গামোচা, কিতাপৰ টোপোলা, কলম আৰু স্মাৰকেৰে অভিনন্দন জ্ঞাপন কৰে৷ ইয়াৰ উপৰিও ছাত্ৰ-ছাত্ৰী সকলক সফলতাৰে উত্তীৰ্ণ কৰাৰ বাবে শিক্ষাদান কৰা বিদ্যালয় খনৰ শিক্ষক শিক্ষ্য়িত্ৰী সকলৰ লগতে কৰ্মচাৰীসকলোকো একোখনকৈ ফুলাম গামোচাৰে সম্বৰ্দ্ধনা জনোৱা হয়। ইফালে আজিৰ সভাখনতে বিদ্যালয়ৰ প্ৰাক্তন ছাত্ৰ ৰাজু ক্ৰ’কো সম্বৰ্দ্ধনা জনায়৷
