বৰহাতীচোং পুথিভঁড়াল আৰু কৃষ্টি বিকাশ সংঘৰ উদ্যোগত কালিৰে পৰা আৰম্ভ হোৱা কলাগুৰু বিষ্ণুপ্ৰসাদ ৰাভা দিৱসৰ সামৰণি

ধিংঃ নগাঁও জিলাৰ বটদ্ৰৱা সমষ্টিৰ বৰহাতীচোং পুথিভঁড়াল আৰু কৃষ্টি বিকাশ সংঘৰ উদ্যোগত কালিৰে পৰা আৰম্ভ হোৱা কলাগুৰু বিষ্ণুপ্ৰসাদ ৰাভা দিৱসটি আজি পুৱা সামৰণি পৰে। কালি পুৱা পতাকা উত্তোলন, বন্তি প্ৰজ্বলনৰ পাছত দুপৰীয়া চিত্ৰাংকন প্ৰতিযোগিতা, কবিতা আবৃত্তি প্ৰতিযোগিতা, আকস্মিক বক্তৃতা প্ৰতিযোগিতাৰ পাছত বিয়লি ৰাভা সঙ্গীত প্ৰতিযোগিতা অনুষ্ঠিত হয়। সন্ধ্যা এখনি মুকলি সভা অনুষ্ঠিত হয়। নিশা

১১ বজাৰ পৰা শেষ নিশালৈ অনুষ্ঠিত হয় একক আধুনিক নৃত্য প্ৰতিযোগিতা। শিল্পী সাংবাদিক দিব্যজ্যোতি বৰুৱা আৰু বিষ্ণু প্ৰসাদ বৈদ্যই বিচাৰকৰ আসন গ্ৰহণ কৰা প্ৰতিযোগিতা খনিত প্ৰথম স্থান লাভ কৰে জ্যোতি প্ৰসাদ বৰুৱা, দ্বিতীয় স্থান লাভ কৰে ৰাজ দাস, তৃতীয় স্থান লাভ কৰে পংখী দাস, চতুৰ্থ স্থান লাভ কৰে ধনুশ্ৰী বৰা, পঞ্চম স্থান লাভ কৰে ৰিপক বৰা আৰু ষষ্ঠ স্থান লাভ কৰে কৃষ্টি শিক্ষা বৰাই।